Thursday, November 18, 2010

အိမ်ပြန်မရောက်နိုင်သေးသူ




တစ်ကယ်ပါ...။

ဘ၀လမ်း... ခပ်ကြမ်းကြမ်းပေါ်က...
လောကဓံ အနိမ့်အမြင့် လှိုင်းလုံးတွေထက်...
အလိုက်သင့် ဖြတ်သန်းစီးမျောနေခဲ့ရတဲ့
ယုံကြည်ချက်တစ်ခုနဲ့ ကျွန်တော်ရယ်လေ....။

တစ်ခါတလေများ....
ရက်စက်လွန်းတဲ့ ထိုးနှက်ချက်တွေနဲ့ကြုံရတိုင်း...
ဟိုးတုန်းကလိုမျိုး....
မေမေ့ရဲ့ ရင်ခွင်အိုအိုထက်....
ခပ်တိုးတိုး မျက်နှာဝှက်ရင်း...
ရင်ထဲက ကျွန်တော့် သောကမီးတွေကို...
မျက်ရည်စို အငိုတချို့နဲ့...
နွမ်းလျစွာ ဖြေသိမ့်ခွင့်မျိုးရချင်မိခဲ့တယ်....။

လက်ထဲက အိပ်မက်တစ်ခုကို
အသက်သွင်းဖို့ ကြိုးစားနေဆဲခဏ...
ဒီရင်ဘတ်တစ်ခိုမှာ....
နာကျင်မှုတွေပဲ ပိုပို များလာခဲ့ရသလိုလို....။

ဒါပေမယ့်လည်း....
ဒဏ်ရာ အစုံအလင်နဲ့ ခြေစုံရပ်ရင်း....
စိတ်အာရုံမှာ အခါခါမြင်ယောင်မိတတ်တဲ့
ကျွန်တော့်ရဲ့အမြဲစိမ်းတောအုပ်ငယ်လေးဟာ...
ထာဝရ အေးမြလန်းဆန်းနေခဲ့မှာမှန်ပေမယ့်....
အခုထက်ထိတော့.... ကျွန်တော်လေ....
အိမ်ပြန်မရောက်နိုင်သေးဘူး...မေမေ....။ ။

=============================
ပုံလေးကို ဒီနေရာလေးမှ ယူသုံးပါတယ်ခင်ဗျာ....။
=============================

ချစ်ခြင်းအားဖြင့်.....
ဏီလင်းညို


No comments: