သင်ရိုးညွန်းတမ်း

သိမ်ငယ်မှုအကြွင်းမဲ့တွေနဲ့
ထုဆစ်ထည်ဆောက်ထားတဲ့
တောက်တောက်ပြောင်ပြောင်
နေ့လေးတစ်နေ့ဟာ
အမေ့ရဲ့ အမိုးအကာလုံတဲ့ အိမ်ကလေးထဲ
သားချော့တေးကလေး နားဆင်ခဲ့ရတဲ့ နေ့လေးတစ်နေ့ပါ အမေ။

အမေရယ်
မုန်တိုင်းဆိုတာ
အငြိုးအဖွဲ့ကြီးတတ်ပါသလား
ယုံမှားစိတ်တွေနဲ့ပဲ
ကိုယ့်အမှားကိုယ်ချိတ်ရင်း
အိပ်မွေ့ချခံရတဲ့ ညတွေမနည်းတော့ဘူး။

တံလျပ်တစ်ခုလောက်
မတောက်ပြောင်နိုင်ပေမယ့်
အသိမ်အဖျင်းနည်းနိုင်သမျှနည်းအောင် ကြိုးစားရင်း
ကိုယ့်အရင်းနဲ့ကိုယ်
တောက်ပြောင်ဖို့ ကြိုးစားနေတာဟာ
သားပါ အမေ......။

အမေရယ်
မိုးဆိုတာ မိုးရာသီမှာပဲ ရွာသွန်းလေ့ရှိတယ်ဆိုရင်
နွေမှာရွာရင်တော့
အဲဒီမိုးကို ဘယ်လိုအမည်နာမ သတ်မှတ်ကြမလဲ
နေတတ်ထိုင်တတ်ဖို့ဆိုတာ
ကိုယ်တိုင် ကြိုးစားကျင့်ယူမှ
ရလာနိုင်မယ့် သီလတစ်ခုပါ။

တိမ်တစ်စကို
ဘ၀လို့ ရည်ညွန်းမယ်ဆိုရင်
ရှင်သန်ခြင်းတစ်ခုနဲ့ ပျံသန်းနေတဲ့
ငှက်တစ်ကောင်ရဲ့ သင်ရိုးညွန်းတမ်းဆိုတာ
အဆုံးအစမရှိနိုင်တဲ့
ကောင်းကင်တစ်ခုပဲ ဖြစ်မှာပါ အမေ။

ဆုမွန်ဦး (ဟသာင်္တ)
အတွဲ(၂) အမှတ်(၄) ၂၀၀၅ခုနှစ် ဇူလိုင်လထုတ် ရှပ်ရှင်အမြုတေ